期待著12月份的來臨！

可能係我自我安慰吧！

係7月尾搵到一份新工，點知做唔到3個月又被裁員了，連試用期都未過，又失業了，以家個市況咁差，都唔知幾時先可以搵到一份新工，個心情極之低落，連部電腦又唔生性壞左，又要儲錢買返部新機！唔知係唔係人黑起來，做咩野都唔順利，唔係呢樣壞就係果樣出事‧‧‧‧‧‧

同佢分開左差不多7個月，但個心從未停止過對佢想念，仲係度期望著佢會來搵我，下個星期一就是你生日，我係度諗緊好唔好send 短信俾你，約你出來吃飯，如果你唔覆我，咁我一定會好傷心難過，我好想見你一面(抱著朋友身份)，我都唔知咁做好唔好，或者你都已經忘記了我，或者都已經有了新女朋友，係我自己一湘情愿！

點解愛一個人要咁痛苦呢？

咁佢又會唔會知道我的痛苦呢？

昨晚我班朋友已經同慶祝啦！是旺角neway度慶祝，好開心呀，她們為我帶來開心，令我望記左悲痛，其實係我自己內心仲好掛著佢，不知道佢仲記唔記得我的生日呢？

今晚我係msn度見到佢，是我d分開左4個月來第一次係msn度見到佢，不過佢冇同我打招呼，心中都有一個密團係度，就是點解佢會是我生日前一晚上線呢？佢仲係msn度打左一句話令我更加唔明白？從見到佢上線後，我個心跳d好快，未停止過，好辛苦，連眼淚都流左出來！

但在我心里始終都未覺得同你分開，

好似你仲係我身邊，因為我一直都未忘記你，

不知你近排過d如何，搵到新的工作未呀，

我都未搵到呀，成日都有出去見工，

見完都冇晒消息，搞到個人好灰，

都唔想再出去見，你又唔係我身邊，

不過怎樣我都要搵野做，

讓自己不會有多餘時間去想你，

無論怎樣想念你，愛你，你都唔會感受到，

可能你已經完全d將我忘記左，

昨晚我又夢見你，不知會唔會夢想成真呢？

我真係好想好想希望可以再見返你，

有好多野想同你講，

但我又冇勇氣打電話俾你，

個心真係好亂好亂

對於你的掛念、想念從未停過！

如果真的可以我咩都唔理都要同你係一起，你知唔知我內心有幾咁痛苦嗎？

每日腦海都浮現出同你一起開心的畫面，係度想像我d未來的日子會是點樣？你仲記得我嗎？

你知唔知我愛你有幾深嗎？或者你根本就冇想過！

之從過左年之後發生左太多唔開心的事，我都唔知是否應該在呢個blog寫下去，今日打開呢個blog睇返之前所寫下的點點滴滴，讓內心更加不安和痛苦！

但是我真的冇地方發洩啦！唯有係個blog訴下苦，我同你分開左3個月，但是從未減少對你思念和愛，晚晚都夢見同你一起好開心幸福，咁你又知唔知呢？點解你要做咁要選擇，莫非你對我真的冇信心嗎？我從來都冇打算放棄過你，無論屋企人點樣要阻止我，我對不會改變對你的愛，都想堅持同你是一起，你都講愛我，你曾經問過我怕唔怕辛苦，我話唔怕，你話會同我一起行呢條漫長而辛苦堅拒的路，點解你講左之後，又要選擇逃避呢？這就難道是愛一個人表現嗎？

你知唔知我到以家都還在等你，希望你會主動搵返我，不過都知道是冇可能的！有幾次拎返起個電話按左你電話出來都好想打俾你，但又唔知你會俾咩反應我，又唔知應該同你講d咩野好，我真係好想知道你的近況是點？搵到工未？你話我分擔唔到你壓力，我知我自己是一個好冇用女友，唔識關心和體貼的女友，但是我由始至終都是盡量是改變自己，希望有一日可以照顧到你三餐，唔使你每日一個人返到屋企係度吃快餐，有一個輕鬆而愉快的晚餐！不過我都知以家是冇可能的為你做任何野！你知唔知我真的好掛住你，每晚都會望下電話，希望有奇蹟出現！次次都是令到我失望

仲有阿ling呀，無論你選擇是什麼，我都支持你決定，最重要是自已想怎樣！

昨日是佢的生日，之前為左佢生日諗左好多生日禮物，仲有點樣幫佢慶祝，最鐘都是選擇買銀包(因為佢用緊都好舊)，希望佢鍾意啦！

以為佢昨日生日可以放棄打波(每星期六必定會去)，都是冇放棄，只是留低條鎖匙俾我，叫我早d上去佢屋企等佢返來，不過我都冇所謂啦！是預左，咁我咪有一個人去買蛋糕和青紅蘿卜，上去煲定湯(第一次煲，希望唔會難飲)。

又好耐冇寫blog啦！講返前幾日先，我俾家用老豆的時侯，老豆話呢個月唔使俾咁多，叫我將d錢留番自己可以買下野，聽完呢句話，開心到我由心感動出來，不過當然都照俾啦！其實都發覺自己搵d多時候，就洗d越多，反而更加儲唔到，每個月都剛剛好，以前每個月收入都少千幾蚊，每個月都有一千以下可以儲下，點解會咁呢？

難道就好像d人話，人越大越老，就更加學識洗錢和追求物值上需要是嗎？